Поздравления на татарском языке

***

Яшь парларга бәхет яусын,
Тигез гомер итсеннәр.
Чөкердәшеп яши-яши,
Алтын туйга җитсеннәр.
Гомер буе икесе бер
Сукмактан атласыннар.
Бер-берсенә мәхәббәтне
Үлгәнче сакласыннар.

***

Тормыш дилбегәсен ныклы тотып,
Гомер буе бергә барыгыз.
Бетмәс куанычлар килсен сезгә,
Күтәренке булсын күңелегез.
Кайгы-хәсрәт күрми, бәхет белән
Үтсен иде килер көнегез.

***

Бүгенге көн исегездә калсын
Сөю нуры булып,
Гомер юлыгызда кабатлансын
Сөю җыры булып!
Мәхәббәтнең гомере озын булсын,
Чит-ятларга тәрәз ачмагыз,
Бер-берегезгә булган назлы хисне
Гомерегез буе саклагыз!

***

Тәбриклибез кавышу көне белән,
Котлы булсын туегыз .
Озын гомер, сүнмәс бәхет белән,
Яңа матур тормыш корыгыз.
Матур булсын, алгы көнегез,
Ак чәчәктәй бер дә шиңмәсен.
Һәркем тормыш юлыгызны
Аяз күккә карап тиңләсен.
Теләгебез шул: тормыш юлыгызда
Бер-берегегә терәк булыгыз.
Матур кызлар, батыр уллар үссен,
Гөрләп торсын тормыш юлыгыз.

***

Котлы булсын яшьлек тантанасы,
Котлы булсын сөю хисләре.
Зур уңышлар белән алга илтсен
Сез барачак гомер юллары.
Тулып торсын бәхет чишмәсе,
Ташып торсын бәхет чиләге.
Озын гомер, саф мәхәббәт – 
Барыбызның сезгә теләге.

***

Парлы типсен мәңге йөрәгегез,
Мәхәббәтнең ике кояшы.
Кояш кебек түп-түгәрәк булсын
Бәхетегез – гомер юлдашы.
Кушылып үскән куш каеннар кебек,
Бергә үтсен тормыш юлыгыз.
Зәңгәр күлдә йөзгән пар аккоштай,
Бәхет күлләрендә йөзегез.

Никах туена

Әби-бабайлардан калган
Иң изге күркәм йола – 
Никахтан соң егет һәм кыз
Ир белән хатын була.

Күктә укылмаса никах,
Кушылмас һичбер йөрәк. 
Никах кануннарын үтәп
Гомер итәргә кирәк.

Язышлардан юктыр узыш,
Никах булсын гомерле.
Ходай бүләк итеп бирә
Һәр кешегә гомерне.

Сезнең никах көнегездә
Җирне каплады үлән.
Никахыгыз котлы булсын,
Яшәгез шатлык белән.

Хәзрәт никах укыганда
Рәхмәтен салсын Аллаһ.
Лә-илләһе иллял-лаһ
Мөхәммәдер-рәсүлүл-лаһ!

Балаларга туй көненә

(поздравление на свадьбу детям от родителей)

Тормыш дигән дәрья суның
Дулкынына яр булыгыз.
Гомер юлын үткән чакта
Таянырдай пар булыгыз.

Бүген сезнең туй көнегез,
Парлы балдак кулыгызда.
Балдак кебек тигез, шома
Булсын барыр юлыгыз да.

Туй балдагы нинди гади,
Тик җаваплы вазыйфасы.
Туегызга бездән бүләк – 
Ата-ана фатихасы.

Бала – тормыш мәгънәсе дип,
Сезгә гомер бүләк иттек.
Бишек җырын көйли-көйли 
Дәү үсүегезне көттек.

Әти, әни, газиз бала – 
Өчесенә уртак йөрәк.
Әмма тормыш көтәр өчен,
Һәркемгә үз пары кирәк.

Иңләп очкан чакта күкне
Ныклы булсын канатыгыз.
Гомер көзләренә кадәр
Бер-берегезне яратыгыз.

Язмыш биргән сөю хисен
Бәйләдегез никах белән.
Хәерле сәгатьтә булсын,
Юлыгызга яшел келәм!

***

Бәйрәмнәр күп бу тормышта,
Туе булсын бер генә.
Тормышыгыз булса икән
Чәчәк кенә, гөл генә.

Һәрвакытта бүгенгедәй,
Бик бәхетле булыгыз!
Охшаш булсын уйларыгыз,
Уртак булсын юлыгыз.

Мәхәббәтле йөзегездән
Якты булсын өегез!
Тормышның көзенә кадәр
Бер-берегезне сөегез.

Безне дә җылытып торсын
Йөрәгегез җылысы.
Чын күңелдән туегезга – 
Теләкләрнең олысы.

Кайгы-хәсрәтләр күрмичә
Үтсен гомер юлыгыз.
100 яшьтә дә бүгенгедәй 
Бик бәхетле булыгыз!

***

Гаилә кору – зур юлларның башы
Юлларыгыз һәрчак ак булсын
Тормышыгыз гөрләп чәчәк атсын
Чәчәкләре мәңге саф булсын.

Васыять шул сезгә миннән:
Киләчәктә кайгыларны уртак бүлегез.
Шатлыкларны матур бала белән
Бишекләрдә алып килегез.

Тормыш бик катлаулы, шуңа күрә
Гадел юлны сайлый белегез
Миннән сезгә шундый теләк –
Бер-берегезне аңлый белегез.

ЗАГС биргән язу - кәгазь бит ул
Ул саргая еллар үтүгә
Саргаймасын сезнең саф мәхәббәт
Балкып торсын гомер-гомергә.

***

Безнең өчен күкләр зәңгәр,
Кояш көләч, болытлар юк.
Кайгы-хәсрәт тау артында,
Җир йөзендә шатлыклар күп.
Яшьлек язы шатыкларын
Уртаклашу уебызда.
Сез килегез кунак булып
Безнең яшьлек туебызга.

***

Яшьлегебез инде чәчәк атты,
Инде хәзер туен итәбез.
Шул туй мәҗлесенә килүегезне
Түземсезлек белән көтәбез.

***

Чакыру!
Хөрмәтле ............................................................
.............................................................................
Сезне 200... елның
“.....” ........................... “..........” сәгать “.........” минутта
Башланачак туебызның кадерле кунагы булырга чакырабыз.
Зур ихтирам белән
Сезне көтеп .......................................................
Безнең адрес: ..........................................................